سابق وزیر اعظم عمران خان کے ایکس اکاؤنٹ سے اعلان کیا گیا ہے کہ اسلام آباد میں ہلاک ہونے والے کارکنوں کا کیس اقوام متحدہ سمیت ہر فورم میں لے جایا جائے گا۔

واضح رہے کہ تحریک انصاف کا دعویٰ ہے کہ اسلام آباد میں احتجاج کے دوران قانون نافذ کرنے والے اداروں کی فائرنگ سے 12 کارکن ہلاک ہوئے تھے تاہم پاکستان کی حکومت نے اس الزام کی تردید کی ہے۔

ایسے میں سوموار کی رات عمران خان کے ایکس اکاوئنٹ پر جاری ہونے والی ایک پوسٹ میں دعوی کیا گیا ہے کہ ہلاک ہونے والوں کا کیس اقوام متحدہ سمیت ہر فورم تک لے کر جائیں گے۔

اس پوسٹ میں سپریم کورٹ سے بھی مطالبہ کیا گیا کہ ’غیر جانبدار جوڈیشل کمیشن بنا کر تحقیقات کروائی جائیں‘ اور مبینہ ہلاکتوں میں ملوث عناصر کو سخت ترین سزائیں دی جائیں۔

پی ٹی آئی احتجاج سے گرفتار 116 شرپسندوں کے اعترافی بیانات سامنے آگئے

پاک فوج کا پرتشدد ہجوم سے براہ راست کوئی ٹکراؤ نہیں ہوا، وزارت داخلہ

پوسٹ میں یہ مطالبہ بھی کیا گیا ہے کہ ’اسلام آباد اور راولپنڈی کے ہسپتالوں کا ڈیٹا جلد از جلد پبلک کیا جائے اور تمام ہسپتالوں اور سیف سٹی کی سی سی ٹی وی فوٹیج محفوظ کی جائے تاکہ شواہد غائب نہ کیے جا سکیں۔‘

اس پوسٹ میں پارلیمنٹ کے سیشن میں قرارداد پیش کرنے کے ساتھ ساتھ تحریک انصاف کے کارکنان کو اگلے مرحلے کی تیاری کی تاکید کی گئی ہے