خیبر پختونخوا حکومت نے انصاف فی میل ایجوکیشن کارڈ شروع کرنے کا فیصلہ کرلیا، محکمہ اعلی تعلیم خیبرپختونخوا نے تمام کالجوں سے ڈیٹا مانگ لیا۔

تفصیلات کے مطابق خیبر پختونخوا حکومت کی جانب سے انصاف فی میل ایجوکیشن کارڈ شروع کرنے کا فیصلہ کیا گیا ہے، اس حوالے سے محکمہ اعلی تعلیم خیبرپختونخوا نے تمام کالجوں سے یتیم بچوں کا ڈیٹا مانگ لیا۔

محکمہ اعلی تعلیم کے مطابق انصاف فی میل ایجوکیشن کارڈ کالجوں میں داخل یتیم طلبا کو دیا جائے گا، اس کارڈ کے ذریعے تمام یتیم طلبا کو فیس میں رعایت دی جائے گی جبکہ صوبائی حکومت کے ا س اقدام سے یتیم طالبات کو اپنی تعلیم جاری رکھنے میں مدد ملے گی۔

تمام کالج سربراہان کو متعلقہ ڈیٹا ایک ہفتے میں فراہم کرنے کی ہدایت کی گئی ہے جبکہ مراسلہ جاری کردیا گیا۔