سپریم کورٹ میں دو بڑے اجلاس آج ہونے جارہے ہیں جوڈیشل کمیشن آف پاکستان اورسپریم جوڈیشل کونسل کے اجلاس الگ الگ ہونگے، چیف جسٹس یحییٰ آفریدی صدارت کرینگے۔

ذرائع کے مطابق اجلاس میں سندھ ہائیکورٹ میں آئینی بینچز کیلئے ججز کی نامزدگی پر غور کیا جائے گا۔ سپریم کورٹ نے طویل عرصے سے زیرالتوا ٹیکس مقدمات نمٹانے کافیصلہ کرلیا۔

چیف جسٹس کی زیر صدارت اجلاس کے اعلامیے کے مطابق چیف جسٹس نےستانوے ارب روپے کے تین ہزارچارسوچھیانوے ٹیکس مقدمات زیر التوا ہونے پر تشویش کا اظہار کیا۔

رجسٹرار سپریم کورٹ،ایف بی آر حکام اور معاشی ماہرین پر مشتمل کمیٹی تشکیل دے دی گئی،یہ کمیٹی ٹیکس مقدمات نمٹانے سے متعلق تجاویز پیش کرے گی۔