ملتان میں ذکریا یونیورسٹی بس کی ٹکر سے نجی کالج کی زخمی طالبہ دم توڑ گئی۔

تفصیلات کے مطابق ذکریا یونیورسٹی کے بس ڈرائیو کی مبینہ غلفت سے موٹرسائیکل کو ٹکر لگی جس کے بعد اس پر سوار طالبہ زخمی ہوگئی تھی۔

ترجمان ریسکیو ڈبل ون ڈبل ٹو کے مطابق یونیورسٹی بس اور موٹرسائیکل کے مابین حادثہ سیداں والہ بائی پاس کے قریب پیش آیا جبکہ عینی شاہدین کے مطابق موٹرسائیکل کو یونیورسٹی کی بس نے ہٹ کیا۔

ترجمان ریسکیو ڈبل ون ڈبل ٹو کا کہنا تھا موٹرسائیکل پر پیچھے بیٹھی طالبہ سر پر چوٹ لگنے کی وجہ سے موقع پر دم توڑ گئی۔

ترجمان کے مطابق حادثے میں موٹرسائیکل چلانے والا نوجوان بھی معمولی زخمی ہوگیا، ڈبل ون ڈبل ٹو کامزید کہنا تھا اقرا نامی طالبہ کی لاش کو نشتر اسپتال منتقل کردیاگیا ہے جبکہ دوسری جانب پولیس نے فرار ہونے والے یونیورسٹی بس کیخلاف قانونی کارروائی شروع کردی ہے۔