مشیر اطلاعات بیرسٹر سیف نے کہا ہے کہ صوبے میں یونیورسل ہیلتھ کوریج کے بعد عوام کو لائف انشورنس فراہم کرنے کا انقلابی منصوبہ منظور کیا ہے۔

خیبرپختونخوا حکومت کی اس فلاحی اسکیم کا مقصد غریب اور کمزور طبقے کو مالی تحفظ فراہم کرنا ہے۔

پشاور میں میڈیا سے گفتگو کرتے ہوئے بیرسٹر سیف کا کہنا ہے کہ صوبے کی 49 فیصد آبادی خط غربت سے نیچے زندگی گزار رہی ہے، لائف انشورنس فلاحی اسکیم کا مقصد غریب اور کمزور طبقے کو مالی تحفظ فراہم کرنا ہے۔

بیرسٹر سیف کا کہنا ہے کہ صوبے کی 49 فیصد آبادی خط غربت سے نیچے زندگی گزار رہی ہے، ایک فرد کی موت پورے خاندان کو مالی بحران میں مبتلا کر دیتی ہے۔ جانی نقصان کی تلافی ناممکن ہے مگر حکومت کی جانب سے متاثرہ خاندانوں کی مالی معاونت کے لیے یہ بڑا اقدام ہے۔

ان کا مزید کہنا ہے کہ 60 سال سے زائد عمر کے افراد کی فوتگی پر خاندان کو 5 لاکھ روپے کی مالی امداد دی جائے گی۔ 60 سال سے کم عمر کے افراد کی موت پر ورثاء کو 10 لاکھ روپے تک مالی معاونت فراہم کی جائے گی۔

بیرسٹر سیف نے بتایا کہ حکومت صوبائی سطح پر انشورنس کمپنی کے قیام کی تجویز پر بھی غور کر رہی ہے، منصوبہ خیبرپختونخوا میں فلاحی ریاست کے قیام کی جانب ایک اور اہم سنگ میل ثابت ہو گا۔