پاکستان بین الاقوامی سطح پر بڑی سرگرمیوں کا مرکز بن گیا ہے اور اس نے کئی بڑے بڑے ایونٹس کی میزبانی کی ہے۔

1974 میں دوسری اسلامی سربراہی کانفرنس لاہور میں منعقد ہوئی، جس میں مسلم دنیا کے رہنماؤں نے شرکت کی۔

اس کانفرنس نے اسلامی ممالک کے درمیان سیاسی اور اقتصادی اتحاد کو فروغ دینے میں اہم کردار ادا کیا۔

پاکستان میں سرمایہ کاری جاری رکھنے، اسٹریٹجک تعاون بڑھانے کا چینی اعلان

پاکستان نے جنوبی ایشیائی علاقائی کانفرنسوں کی میزبانی بھی کی ہے۔

دسمبر 1988 میں چوتھی سارک کانفرنس اسلام آباد میں ہوئی، جس نے تجارت، تعلیم، اور ماحولیاتی تحفظ کے شعبوں میں علاقائی تعاون کو فروغ دیا۔

مارچ 2022 میں او آئی سی کے وزرائے خارجہ کا 48 واں اجلاس اسلام آباد میں ہوا، جس میں پاکستان نے عالمی سطح پر مسلمانوں کے حقوق کے تحفظ کو اجاگر کیا۔

اب اکتوبر 2024 میں شنگھائی تعاون تنظیم کی میزبانی کا شرف پاکستان کو ملا ہے۔

ایس سی او سربراہان کا اجلاس اسلام آباد میں ہورہا ہے، جس میں رکن ممالک کے درمیان علاقائی سیکیورٹی، اقتصادی، اور سیاسی مسائل پر تبادلہ خیال کیا جائے گا۔

پاکستان میں منعقدہ بین الاقوامی اور علاقائی کانفرنسوں کی تاریخ ملک کی عالمی اسٹریٹجک اہمیت کو ظاہر کرتی ہے۔