اسلام آباد میں سندھ پولیس کے جوان پر ہاتھ اٹھانے ویڈیو وائرل ہونے کے بعد ڈی آئی جی ٹریننگ فیض اللہ کوریجو کا موقف سامنے آگیا۔

انہوں نے کہا کہ ٹریننگ پر جانے والے تمام جوان پاس آؤٹ ہوچکے ہیں، کسی کو کسی پر ہاتھ اٹھانے کی اجازت نہیں۔ ڈی آئی جی نے کہا کہ کوئی شکایت ہو تو کوڈ آف کنڈکٹ موجود ہے۔

انہوں نے کہا کہ ایسے عمل کی اجازت بالکل بھی نہیں دی جاسکتی، سرعام کسی کوتھپڑ مارناعزت خراب کرنا اچھاعمل نہیں، واقعے سے متعلق تحقیقات کر رہے ہیں۔