وزیر اعلیٰ کے پی علی امین گنڈا پور کا کٹی پہاڑی پر موجود ہے، گنڈاپور کے قافلے کو کٹی پہاڑی کے مقام پر شدید مزاحمت کا سامنا ہے۔

قافلے سے گفتگو کرتے ہوئے وزیراعلیٰ خیبرپختونخوا علی امین گنڈا پور کارکنان سے خطاب میں کہا کہ میں سب سے آگے ہوں، جسے گولی مارنی ہے، مجھے مارے، گولی سینے پر مارنا، چھپ کر نہ مارنا۔

مظاہرین اور پولیس کےدرمیان کٹی پہاڑی پرتصادم کاسلسلہ جاری ہے۔

وزیراعلیٰ خیبرپختونخوا علی امین گنڈا پور کی قیادت میں پی ٹی آئی کارکنوں کا قافلہ چھچھ اور پھر برہان میں کنٹینرز ہٹا کر جمعہ کی سہ پہر براہمہ پہنچ تھا۔ پولیس کی شیلنگ کے باعث قافلہ براہمہ پر ہی پھنس گیاتھا۔ تاہم کچھ دیر بعد قافلہ آگے بڑھنے میں کامیاب رہا۔

شام کو پونے 8 بجے حسن ابدال کٹی پہاڑی پر علی امین گنڈا پور کے قافلے پر شدید شیلنگ شروع ہوگئی۔ پولیس اور مظاہرین کےدرمیان تصادم کے نتیجے میں پولیس اہلکاروں سمیت متعدد افراد زخمی ہوگئے ہیں، جبکہ شیلنگ کےدوران علاقہ اندھیرے میں ڈوب گیا ہے۔