پاکستان تحریک انصاف کے اسلام آباد کے ڈی چوک پر احتجاج کے باعث راولپنڈی سٹی ٹریفک پولیس نے ایڈوائزری جاری کردی۔

ٹریفک پولیس کے مطابق پی ٹی آئی کے احتجاج کے باعث فیض آباد، مری روڈ، فیض الاسلام، اسٹیڈیم روڈ اور ڈبل روڈ ہر قسم کی ٹریفک کے لیے بند ہے۔

سکتھ روڈ چوک، چاندنی چوک، سی بلاک چوک، کھنہ پل ، ساہی چوک، ناز سنیما، کوہاٹی بازار موڑ اور لیاقت باغ، ڈی اے وی کالج چوک، مریرچوک، ایم ایچ چوک اور حیدر روڈ بند ہے۔

اس کے علاوہ ٹی چوک روات، مارگلہ ٹرن پیرودھائی بند ہے، خیابان، کیریج فیکٹری، 26 نمبر چونگی، چیئرنگ کراس اور دھما سیداں ٹریفک کے لیے بند ہے۔

اگر کسی نے تشدد کیا تو حالات کا وہ ذمہ دار ہوگا، ہرصورت ڈی چوک جائیں گے، علی امین گنڈاپور

مینار پاکستان پر پی ٹی آئی پاور شو ’روکنے‘ کیلئے حکومت متحرک، رینجرز طلب

پی ٹی آئی نے حکومت کو ڈی چوک پر احتجاج مؤخر کرنے کی مشروط پیشکش کردی

ٹریفک پولیس نے بتایا کہ کچہری چوک اور پرانا ایئرپورٹ روڈ ٹریفک کے لیے کھلا ہے، ساون پل کا ایک ٹریک ٹریفک کے لیے کھلا ہے۔

ٹریفک پولیس کے مطابق چک بیلی موڑ، مندرہ ، مسا کسوال، جی ٹی روڈ گجرخان، دولتالہ موڑ اور جی ٹی روڈ چکوال بھی ٹریفک کے لیے بند ہے۔

سی ٹی او بینش فاطمہ کا کہنا ہے کہ کورال چوک ٹریفک کے لیے بند ہے، حالات کے پیش نظر کسی مومنٹ کے دوران اسے کھولا جا سکتا ہے، شہری غیر ضروری سفر سے گریز کریں۔