چیف جسٹس لاہور ہائیکورٹ جسٹس عالیہ نیلم نے بڑا فیصلہ کرتے ہوئے 3 جوڈیشل افسران کو مختلف نوعیت کی سزائیں سنا دیں۔

چیف جسٹس لاہور ہائیکورٹ جسٹس عالیہ نیلم کی منظوری کے بعد نوٹیفکیشن جاری کردیا گیا۔

نوٹیفکیشن کے مطابق سول جج شازیہ پروین کو نوکری سے برخاست کردیا گیا، سول جج شہباز حسین کی 4 گریڈ درجے نیچے تنزلی کی گئی ہے جبکہ ایڈیشنل سیشن جج عبد اللہ عثمان کو جرمانہ عائد کردیا۔

چیف جسٹس لاہور ہائیکورٹ نے ریکارڈ اور جوڈیشل افسر کو سن کر فیصلے سنائے۔

یاد رہے کہ ان تمام ججز پر کرپشن سمیت دیگر نوعیت کے الزامات تھے۔