ایم ڈی کیٹ پرچے لیک ہونے پر کراچی پریس کلب کے باہر ینگ ڈاکٹرز ایسوسی ایشن نے احتجاج کیا۔

پریس کلب پر ہونے والے احتجاج میں ایم ڈی کیٹ 2024 کے متاثرہ امیدوار اور والدین کے ہمراہ ڈاکٹر تنظیم کی جانب سے نعرے بازی بھی کی گئی۔

سرکاری اسپتالوں میں ینگ ڈاکٹرز کی ہڑتال پر پنجاب حکومت سے جواب طلب

ایم ڈی کیٹ کیا ہے اور اس کے دو ورژن کیوں ہیں؟

ینگ ڈاکٹرز ایسوسی ایشنز کا کہنا تھا کہ ایم ڈی کیٹ کا پرچہ آؤٹ ہونا معمول کا حصہ بن چکا ہے سال 2023 میں بھی دو مرتبہ ایم ڈی کیٹ کروائے گئے اور دونوں بار پرچہ آؤٹ ہونے کی اطلاعات ملی ہیں۔

ینگ ڈاکٹرز ایسوسی ایشن نے ڈاؤ یونیورسٹی کی جانب سے جاری کردہ نتائج کو مسترد کر دیا۔