کوئٹہ میں موٹر سائیکل سوار ملزمان نے فائرنگ کرکے ماں بیٹے کو قتل کردیا۔ واردات کے بعد ملزم فرار ہوگئے۔

پولیس کے مطابق عیسیٰ نگری کے نزدیک ملزمان کی فائرنگ سے ماں بیٹا شدید زخمی ہوئے تھے۔ انہیں فوری طور پر سول اسپتال منتقل کیا گیا۔

سول اسپتال کے ٹراما سینٹر میں ماں بیٹے (رضیہ بی بی اور کامران) نے علاج کے دوران دم توڑ دیا۔ کامران ٹراما سینٹر کا ملازم تھا۔ اسے اس وقت نشانہ بنایا گیا جب وہ گھر سے ڈیوٹی پر جارہا تھا۔

پولیس نے مقدمہ درج کرکے تفتیش شروع کردی ہے۔ ابھی تک کسی بھی مشتبہ ملزم کو گرفتار نہیں کیا جاسکا ہے۔ پولیس کا کہنا ہے کہ خاندانی رنجش اور دیگر ممکنہ عوامل کا جائزہ لیا جارہا ہے۔