ایف آئی اے نے کا توشہ خانہ ٹو کیس میں ٹھوس ثبوت اور شواہد حاصل کرنے کا دعویٰ کیا ہے۔ سپلیمنٹری چالان کے بعد کیس نیب کورٹ سے ایف آئی اے کو منتقل کردیا گیا۔ ایف آئی اے کے مطابق بانی پی ٹی آئی اور بشریٰ بی بی کے خلاف غیرقانونی ذرائع اور کرپشن سے مالی فوائد حاصل کرنے کے شواہد موجود ہیں۔

ایف آئی اے کا توشہ ٹو سپلیمنٹری چالان سامنے آگیا۔ ایف آئی اے نے کیس میں بانی پی ٹی آئی عمران خان اور بشری بی بی کے خلاف ٹھوس ثبوت اور شواہد کا دعویٰ کیا ہے۔ بانی پی ٹی آئی کے بطوروزیراعظم سابق ملٹری سیکرٹری برگیڈئیر محمد احمد بھی گواہوں میں شامل ہیں۔

ایف آئی اے کے مطابق دونوں نے مالی فائدہ حاصل کیا اورمس کنڈکٹ کے مرتکب ہوئے ہیں، بانی پی ٹی آئی اوراہلیہ کیخلاف ٹھوس ثبوت شواہد موجود ہیں۔

ایف آئی اے نے دعویٰ کیاکہ غیر قانونی ذرائع اور کرپشن سے بانی پی ٹی آئی اور بشری بی بی نے مالی فائدہ حاصل کیا، بانی پی ٹی آئی نے اپنی پوزیشن کا غلط استعمال کرتے ہوئے کم قیمت پر بلغاری سیٹ حاصل کیا۔