پشاور میں خیبر پختونخوا ہیلتھ کیئر کمیشن نے کارروائی کرتے ہوئے 5 کلنکس کو سیل کردیا۔

ترجمان خیبر پختونخوا ہیلتھ کیئر کمیشن کے مطابق ال فراز میڈکل کلنک میں سروس پروائڈر غیراہل تھا، الشفاء ڈینٹل کلنک کلنک میں ٹیکنیشن سروس پروائڈر کی خدمات سرانجام دے رہا تھا۔

ترجمان نے بتایا کہ بلال میڈکل ہال کو سیل کردیا گیا، سروس پروائڈر کلنکل ٹیکشن تھا، خورشید کلنک بھی سیل کردیا گیا، سروس پروائڈر ہومیوپیتھک ڈاکٹر تھا اور مریضوں کو ایلوپیتھک انجکشن لگارہا تھا جبکہ صدیق میڈیکوس بی سیل کردیا گیا، سروس پروائڈر نااہل تھا۔

خیبر پختونخوا ہیلتھ کیئر کمیشن کے ترجمان نے مزید بتایا کہ کارروائی ڈائریکٹر لائسنینگ کی ہدایت پر کی گئی، کارروائی خیبرپختونخوا ہیلتھ کیئر کمیشن کے اینٹی کویکری قوانین 2022 کی تحت کی گئی، کارروائیوں کا مقصد صوبے میں معیاری صحت کی خدمات کو یقنی بنانا ہے۔