ضلع بدین میں بارشوں سےگورنمنٹ بوائز ہائیر سیکندڑی اسکول پیرو لاشاری کی عمارت خطرناک قراردے دیا گیا جبکہ انتظامیہ نے اسکول کے احاطے میں ہی ٹینٹ لگاکر بچوں کو تعلیم دینا شروع کر دیا۔

ضلع بدین میں حالیہ بارشوں کے دوران ہونے والی تباہی کے اثرات اب نمودار ہونا شروع ہوچکے ہیں، بدین کے نواحی شہر پیرو لاشاری کے گورنمنٹ بوائز ھائیر سیکندڑی اسکول کی عمارت کو بارشوں کے دوران ہونے والے نقصانات کے بعد ورک اینڈ سروسز کی جانب سے خطرناک قرار دے دیا ہے جس کے بعد اسکول انتظامیہ نے اسکول کے احاطے میں ٹینٹ لگاکر بچوں کی تعلیم کو جاری رکھا ہوا ہے۔

اسکول میں 15 سو سے زائد طالب علم تعلیم حاصل کررہے ہیں، انتظامیہ کا کہنا ہے کہ اسکول کی حالت دیکھ کر ڈر کے مارے زیادہ تر بچوں نے اسکول آنا ہی چھوڑ دیا ہے جبکہ اب بھی بارش کا پانی اسکول کے گراؤنڈ میں موجود ہے۔

اسکول میں تعلیم حاصل کرنے والے بچوں اور اساتذہ نے مطالبہ کیا ہے کہ فل فور اسکول کی عمارت کی مرمت کی جائے تاکہ وہ کسی بڑے حادثے سے محفوظ رہ سکیں۔