عظمیٰ بخاری نے کہا ہے مریم نواز کے متعلق غلاظت بکنے سے قبل اپنے گھر کی خواتین کا ہی خیال کر لیتے، یہ سیاسی میدان اور کارکردگی میں مریم نواز کا مقابلہ کرنے کے اہل نہیں۔

عظمیٰ بخاری نے کہا کہ مریم نواز صوبے کے 11 کروڑ عوام کی خدمت کر رہی ہیں، اڈیالہ کے قیدی کی شیطانی سوچ صوبوں کو آپس میں لڑوانا ہے، دن کے وقت یہ لوگ بھیڑئے بنتے رات کو لومڑی کی طرح معافیاں مانگتے ہیں۔

انہوں نے کہا کہ جہاں ان کی 11 سال سے حکومت ہے وہاں بیروزگاری اور مہنگائی عروج پر ہے، خیبر پختونخواہ حکومت کو صرف ایک مکار اور بدیانت شخص کی فکر ہے، ایک طرف اسٹیبلشمنٹ کو دھمکیاں دیتے دوسری طرف معافیاں مانگتے ہیں۔

ان کا کہنا تھا کہ کے پی اسمبلی میں وزیراعلی کے خلاف آوازیں اٹھ رہی ہیں، یہ لوگ سیاسی شہید بننے کیلئے سیاسی خودکشیاں کر رہے ہیں۔