گورنر خیبرپختونخوا فیصل کریم کنڈی نے وزیر اعلیٰ کے چھٹے مشیر کی تقرری کی منظوری دینے سے انکار کر دیا، اور اعتراض لگا کر سمری مسترد کردی۔

گورنر نے آئین کے آرٹیکل 130 کی شق (11) کے تحت وزیراعلیٰ کو پانچ سے زیادہ مشیر مقرر کرنے کی اجازت نہ ہونے کے باعث چھٹے مشیر کی تقرری کی منظوری نہیں دی۔

ہم چاہیں گے تب ہی علی امین گنڈا پور خیبرپختونخوا سے جلسے کیلئے نکل سکے گا، فیصل کریم کنڈی

اس حوالے سے گورنر کا مؤقف ہے کہ کابینہ میں پانچ سے زیادہ مشیر نہیں ہوسکتے، کابینہ میں پہلے سے پانچ مشیر ہیں۔

فیصل کریم کنڈی کا کہنا ہے کہ چھٹا مشیر مقرر کرنا آئین کی خلاف ورزی ہے، اس لئے سمری منظور نہیں کرسکتا۔

خیبرپختونخوا حکومت پر کرپشن کے الزامات، فیصل کریم کنڈی کو ہرجانے کا نوٹس

واضح رہے کہ وزیراعلیٰ علی امین گنڈا پور کے پانچ مشیروں میں بیرسٹرڈاکٹرسیف، زاہدچن ذیب، مشعال اعظم یوسفزئی، فخرجہان اورمزمل اسلم شامل ہیں۔