سرگودھا کے قصبہ مٹیلہ میں زمیندار نے اپنے ملازم پر چوری کا الزام لگا کر اسے مبینہ طور پر قتل کردیا اور لاش کھیتوں میں پھینک دی۔ پولیس نے ملزم کو گرفتار کرکے مقتول کی لاش کماد کی فصل سے برآمد کی۔

پولیس ذرائع کے مطابق زمیندار عامر نے اپنے 28 سالہ ملازم مظہر اقبال پر چوری کا الزام لگایا اور پوچھ گچھ کے دوران اسے تشدد کا نشانہ بناتا رہا۔

باجوڑ میں دھماکہ، ایک شخص جاں بحق دو زخمی

ذرائع نے مزید بتایا کہ زمیندار کے بہیمانہ تشدد سے مظہر اقبال جاں بحق ہوگیا جس کے بعد ملزم نے اس کی لاش کماد کی فصل میں چھپا دی ، تھانہ کوٹ مومن پولیس نے شک کی بنا پر زمیندار کو تحویل میں لیا تو دوران تفتش اس نے اعتراف جرم کرلیا۔

مردان : گھریلو تنازعے پر شوہر کی فائرنگ، بیوی اور کمسن بیٹا قتل

پولیس ذرائع کے مطابق ملزم نے بتایا کہ مقتول مظہر نے اس کی چوری کی تھی جس کو اس نے قتل کر کے لاش کماد کی فصل میں پھینک دی ہے۔ پولیس کو کماد کی فصل سے مقتول کے جسم کا ڈھانچہ ملا ہے، گوشت جانور نوچ کر کھا گئے، ڈھانچے کو پوسٹ مارٹم کیلئے اسپتال منتقل کیا گیا، پولیس کا کہنا ہے کہ واقعہ کی مزید تفتیش جاری ہے۔