خیبرپختونخوا کے ضلع سوات کے علاقے مینگورہ میں بنڑ پولیس چوکی پر نامعلوم افراد کے حملے میں ایک پولیس اہلکار شہید جبکہ ایک زخمی ہوگیا۔

ڈسٹرکٹ پولیس آفیسر(ڈی پی او) سوات ڈاکٹر ذاہد اللہ کے مطابق بدھ اور جمعرات کی درمیانی شب رات 4 بجے نامعلوم افراد نے مینگورہ میں بنڑ پولیس چوکی پر دستی بموں سے حملہ کیا، جس سے 2 پولیس اہلکار زخمی ہوگئے۔

دونوں زخمی پولیس اہلکاروں کو سیدو شریف اسپتال منتقل کیا گیا تھا، دوران علاج رحمان اللہ نامی اہلکار زخموں کی تاب نہ لاتے ہوئے شہید ہوگیا جبکہ دوسرازخمی اہلکار اسپتال میں زیر علاج ہے۔

لکی مروت: پولیس موبائل پر حملہ، ایک اہلکار شہید، ایس ایچ او سمیت 3 زخمی

لنڈی کوتل میں پولیس ناکے پر دہشتگردوں کا حملہ، 2 اہلکاروں سمیت 3 افراد جاں بحق

ڈی پی او سوات کا کہنا ہے کہ پولیس کی مزید نفری بنڑ چوکی پر پہنچ گئی اور علاقے کو گھیرے میں لے کر شرچ آپریشن شروع کردیا گیا ہے۔