خیبرپختونخوا کے گورنر فیصل کریم کنڈی کا کہنا ہے کہ ہم چاہیں گے تب ہی علی امین گنڈا پور خیبرپختونخوا سے جلسے کے لیے نکلے گا۔

فیصل کریم کنڈی نے میڈیا نمائندوں سے غیر رسمی گفتگو کرتے ہوئے کہا کہ آٹھ ستمبر کا پی ٹی آئی کا جلسہ ہماری مرضی سے ہوگا، اگر ہم چاہیں گے تو علی امین گنڈا پور خیبرپختونخوا سے جلسے کے لیے نکلے گا۔

پی ٹی آئی کے سابق رکن اسمبلی فہیم خان سعودی عرب میں گرفتار

انہوں نے مزید کہا کہ پاکستان تحریک انصاف کا جلسہ 22 اگست کی طرح 8 ستمبرکو بھی ناکام ہوگا۔

ان کا کہنا تھا کہ وزیر اعلیٰ خیبرپختونخوا ہماری مرضی کے بغیر جلسہ نہیں کرسکتے، علی امین گنڈا پور کی باتوں سے کبھی جلسہ نہیں ہوسکتا۔

لیگی قائد نواز شریف کا لندن جانے کا پلان

گورنر خیبرپختونخوا نے کہا کہ تحریک انصاف انتشار پارٹی بنتی جاری رہی ہے، پنجاب میں مسلم لیگ اور پیپلز پارٹی کی کمیٹیاں کام کر رہی ہیں۔