مسلم لیگ (ن) کے صدر نواز شریف کے مداحوں کی جانب سے ان سے والہانہ عقیدت کا سلسلہ جاری ہے، نتھیا گلی میں میاں نوازشریف کے چاہنے والوں نے انہیں سڑک کنارے روک لیا اور سلیفیاں بنائیں۔

سابق وزیراعظم‏ نواز شریف کو گزرتا دیکھ کر نتھیا گلی میں مختلف علاقوں سے آئے لوگوں نے ہاتھ ہلائے، جس پر ‏نواز شریف نے سڑک کنارے گاڑی روک لی۔

‏نوجوانوں نے محمد نواز شریف سے محبت بھرے جذبات کا اظہار کیا اور ان کے ساتھ سیلفیاں بنائیں۔

موقع پر موجود فیملیز اور خواتین نے بھی سابق وزیر اعظم نوازشریف کے ساتھ تصاریر بنا کر اپنی خوشی کا اظہار کیا۔