شیخ حسینہ واجد کی حکومت کے خاتمے کے بعد بنگلادیش کے اندر تبدیلیوں کا سلسلہ جاری ہے۔ بنگلہ دیش نے پاکستان سے تعلقات از سرنو استوار کرنے کا فیصلہ کرتے ہوئے تجربہ کار کمشنر تعینات کرنے کا فیصلہ کیا ہے۔

ذرائع کے مطابق پاکستان نے ہائی کمشنر محمد اقبال حسین کی نامزدگی قبول کرلی۔ ذرائع کے مطابق اقبال حسین جلد پاکستان پہنچ کر سفارتی ذمہ داریاں سنبھالیں گے۔

واضح رہے کہ شیخ حسینہ واجد کی حکومت کے خاتمے کے بعد سے بنگلادیش میں فوج، پولیس اور دیگر انتظامی اداروں میں اکھاڑ پچھاڑ کا سلسلہ جاری ہے جب کہ متعدد عہدیدار خود ہی استعفیٰ دیکر گھر چلے گئے۔

ملک کے اٹارنی جنرل اے ایم امین الدین، سرکاری بینک کے ڈپٹی گورنرز نے اپنی ذمہ داریاں نبھانے سے معذرت کرلی۔ ڈپٹی گورنر کو حسینہ واجد کے قریبی ساتھی سمجھا جاتا ہے۔

علاوہ ازیں بھارت نے بنگلہ دیش کے دارالحکومت ڈھاکہ میں اپنے ہائی کمیشن سے غیر ضروری عملہ واپس بلالیا ہے۔ سفارت کار ڈھاکہ ہی میں ہیں۔