خیبرپختونخوا حکومت کی گورننس سے متعلق شکایات کے معاملے پر پاکستان تحریک انصاف (پی ٹی آئی) کے بانی چیئرمین عمران خان کے احکامات پر بدعنوانی اور گورننس سے متعلق 3 رکنی کمیٹی قائم کردی گئی، جو وزرا اور انتظامی سیکرٹریز کے حوالے سے الزامات کی تحقیقات کرے گی۔

اس حوالے سے مشیر اطلاعات خیبرپختونخوا بیرسٹر محمدعلی سیف نے کہا کہ سابق وزیراعظم عمران خان کے احکامات پر بدعنوانی اور گورننس سے متعلق کمیٹی قائم کردی ہے، کمیٹی میں سابق گورنر شاہ فرمان، معاون خصوصی برائے انٹی کرپشن مصدق عباسی اور قاضی انور ایڈووکیٹ شامل ہیں۔

بیرسٹر سیف نے کہا کہ کمیٹی ارکان کو بانی پی ٹی آئی نے خود نامزد کیا ہے، کمیٹی صوبائی حکومت کی کارکردگی پر نظر رکھے گی اور تمام محکموں کی مانیٹرنگ بھی کرے گی، کمیٹی اپنی رپورٹ عمران خان کو پیش کرے گی۔

انہوں نے مزید کہا کہ کمیٹی وزرا اور انتظامی سیکرٹریز کے حوالے سے الزمات کی تحقیقات کرے گی، الزام ثابت ہونے پر متعلق وزیر یا انتظامی افسران کے خلاف کارروائی ہوگی۔

اسٹیبلشمنٹ سے رابطے ہوتے ہیں، بات چیت ہوتی رہتی ہے، ابھی تک کوئی ٹھوس چیز نہیں بن کر نکلی، علی امین

سب سے بڑا یوٹرن وہ ہے جس نے ووٹ کو عزت دو کا نعرہ لگایا اور بوٹ کو عزت دی، عمران خان

اداروں سے درخواست ہے نیوٹرل ہوجائیں، لوگ سمجھ رہے ہیں حکومت کو لانے والے آپ ہیں، امین گنڈا پور

واضح رہے گزشتہ دنوں صوبائی وزیر شکیل خان نے بانی پی ٹی آئی عمران خان سے ملاقات کی تھی، شکیل خان نے سابق وزیراعظم کو مختلف محکموں میں بدعنوانی کی شکایت کی تھی۔