وزیراعلیٰ خیبرپختونخوا علی امین گنڈا پور نے پولیس کےشہدا اورغازیوں کوسلام پیش کرتے ہوئے کہا کہ وفاقی حکومت سے صوبے کے لیے پیسہ نکال کررہوں گا، ایپکس کمیٹی میں جو پالیسی بنی اس پرعملدرآمد کرایا جائے گا۔ انہوں نے مزید کہا کہ اداروں سے درخواست ہے نیوٹرل ہو جائیں، لوگ سمجھ رہے ہیں حکومت کو لانے والے آپ ہیں۔

انہوں نے کہا کہ امن وامان کا قیام ہماری ترجیح رہا ہے، پولیس اورصوبےکے حوالے سے بہت سے پروجیکٹس تھے، جب حکومت بنی توپہلی ترجیح تھی کہ جاری اسکیموں کومکمل کریں، ہم نے600 پروجیکٹس پرفوکس کیا فیصلہ کیا پہلے یہ مکمل کریں گے۔

علی امین گنڈا پور نے کہا کہ آئی جی کے پی نے جب بھی ہم سے مدد مانگی ہم نے کی، معاشی حالات جیسے بھی ہوں پولیس سے تعاون جاری رہے گا، شہدا کے پیکج کےحوالےسے معاملات اسمبلی میں پیش ہونے والے ہیں۔

عمران خان بہادر بنیں اور کہہ دیں میں نے پارٹی کو فوج سے لڑایا، عرفان صدیقی

وزیراعلیٰ خیبرپختونخوا علی امین گنڈا نے کہا کہ حکومتی لیول پر ہاؤسنگ اسکیم بنارہےہیں، پولیو ورکرز، پولیس، اساتذہ کے شہدا کو پلاٹ دیں گے، ہمارے صوبے کا کلچر ہے پیار سے مانگو تو جان بھی دیتے ہیں۔

اسلام آباد : پی ٹی آئی نے آج کا احتجاج ملتوی کر دیا

انہوں نے کہا کہ پالیسی بنائیں گےگاڑی کی قیمت، ماڈل کےحساب سےچالان کیا جائے،جس کی جتنی بڑی،مہنگی گاڑی ہوگی اس حساب سےچالان ہو۔

واضح رہے کہ گزشتہ روز وزیر اعلیٰ خیبرپختونخوا علی امین گنڈا پور نے کہا تھا کہ خیبرپختونخوامیں آپریشن نہیں ہونے دیں گے، امریکا کےغلاموں نے پختونوں پر غلط پالیسیاں تھوپیں، حکمرانوں کے تجربات سے ہمارا نقصان ہوا ہے۔ اپنے فیصلے خود کریں گے، حق مانگنے کے بجائے چھین لیں گے۔

بنوں میں امن مارچ کے شرکاء سے خطاب میں علی امین نے کہا تھا کہ خیبرپختونخوامیں آپریشن نہیں ہونے دیں گے، ماضی میں آپریشن کی وجہ سے ہم خانہ بدوش بنے۔