وزیراعلیٰ پنجاب مریم نواز کا یوم آزادی سے سولر پینل کی تقسیم شروع کرنے کا فیصلہ، دو سو یونٹ تک بجلی استعمال کرنے والے عوام چودہ اگست سے مفت سولر پینل حاصل کرسکیں گے۔

پانچ سو یونٹ تک بجلی استعمال کرنے والوں کو دس فیصد معاوضے کی ادائیگی پر سولر پینل ملیں گے۔ 500 یونٹ تک والوں کو سولر پینل کی 90 فی صد رقم پنجاب حکومت ادا کرے گی۔

سولر پینل کی بلا سود ادائیگی پانچ سال میں اور فراہمی بینکوں کے ذریعے ہو گی۔ پنجاب حکومت نے سولر پینلز کی فراہمی کی سکیم کی تمام جزئیات طے کر لیں۔ سولر پینلز سے عوام کے بجلی بل میں 40 فی صد کمی ہوگی۔