سندھ کے شہر نوشہرو فیروز میں قومی شاہراہ پر مسافرکوچ الٹنے سے خواتین اور بچوں سمیت 15 سے زائد مسافر زخمی ہوگئے۔

پولیس کے مطابق افسوسناک حادثہ نوشہرو فیروز میں قومی شاہراہ پر پیش آیا جہاں مسافرکوچ الٹنے سے 15 سے زائد مسافر زخمی ہوگئے، جن میں خواتین اور بچے بھی شامل ہیں۔

پولیس کا کہنا ہے کہ زخمیوں کو طبی امداد کے لیے ہالانی اسپتال منتقل کردیا گیا، مسافر کوچ کراچی سے سکھر جارہی تھی، حادثہ ڈرائیور کو نیند آنے کے باعث پیش آیا۔