لیڈی ریڈنگ اسپتال میں ڈاکٹروں کی مبینہ غفلت سے 24 سالہ لڑکی جاں بحق ہو گئی، ورثاء نے ڈاکٹروں کے خلاف تھانہ خان عبدالرازق میں درخواست دیدی ۔

تھانہ خان رازق تھانے میں دائر درخواست میں جاں بحق لڑکی کے ورثا نے پولیس کا بتایا ہے کہ گیسٹرو کی مرض میں مبتلا لڑکی کوبیڈ نہ ملنے پر ای این ٹی وارڈ میں داخل کرایا گیا تھا۔ ڈاکٹروں کی جانب سے مریضہ کو علاج فراہم نہیں کیاگیا، ڈاکٹروں کی غفلت سے جواں سالہ لڑکی دم توڑ گئی۔

ترجمان ایل ار ایچ محمد عاصم کا کہنا ہے کہ جواں سالہ مریضہ کی فوتگی پر افسوس ہے، واقعے کو ایل آر ایچ کے اعلیٰ حکام کے نوٹس میں لایا جا چکا ہے، انکوائری کے بعد ہی پتہ چلے گا کہ موت کی وجہ کیا تھی۔