وزیر تعلیم پنجاب نے اسکولوں میں سمر کیمپ کے دوران ہفتے کا دن یومیہ چھٹی کا دن قرار دے دیا، رانا سکندر حیات نے کہا کہ اساتذہ تعلیم کی خدمت کررہے ہیں ان پر زیادہ ورک لوڈ ہے اس لیے چھٹی کا فیصلہ کیا۔

پنجاب کے تمام تعلیمی اداروں میں ہفتے کے روز چھٹی کا اعلان کردیا گیا۔

وزیر تعلیم پنجاب نے کہا کہ ٹیچرز کمیونٹی کی آسانی کے لیے ہفتے کا دن ویکلی آف قرار دیا جارہا ہے، اساتذہ تعلیم کی خدمت کر رہے ہیں، اساتذہ کا خیال رکھنا ہماری ذمہ داری ہے۔

پنجاب کے اسکولوں میں جنسی ہراسگی پر آگاہی مہم چلانے کا حکم

رانا سکندر حیات کا کہنا تھا کہ اساتذہ پر ورک لوڈ زیادہ ہونے کے باعث ہفتے کے دن کی چھٹی کا فیصلہ کیا ہے، ہفتے کے روز چھٹی کے باعث سوموار سے جمعہ تدریسی اوقات کار بڑھائے جائیں گے، ہفتے کا دن کپیسٹی بلڈنگ، لیسن پلاننگ اور دیگر امور کے لیے مرحلہ وار استعمال ہو گا۔

انہوں نے مزید کہا کہ اساتذہ کی پروموشن کے مسائل بھی جلد حل ہونے جا رہے ہیں، اساتذہ کی پروموشن سے متعلق ریفارمز لائی جا رہی ہیں، 14 ہزار اے ای اوز اور ایس ایس ای کی ریگولرلائزیش پلان بھی جلد آ رہا ہے۔