کراچی کے علاقے کامران چورنگی کے قریب بکروں سے بھرا ٹرک لوٹ لیا گیا۔

ڈکیتوں سے انسان تو انسان جانور بھی نہ بچ سکے، سنت ابراہیمی کے لیے فروخت ہونے والے جانوروں سے بھرا ٹرک لوٹ لیا گیا۔

کراچی کے علاقے گلستان جوہر تھانے کی حدود کامران چورنگی کے قریب سے ڈکیتوں نے قربانی کے جانوروں سے بھرا شہزور ٹرک اسلحہ کے زور پر چھین لیا۔

لاہور میں ایک اور شہری قربانی کے جانور سے محروم ہو گیا

پولیس کے مطابق 2 موٹرسائیکلوں پر سوار 4 مسلح ملزمان ٹرک لے کر فرار ہوگئے، شہزور ٹرک میں 30 سے زائد بکرے موجود تھے۔

پولیس نے بتایا کہ ملزمان شہزور کے ڈرائیور سے موبائل اور نقدی بھی لوٹ کر فرار ہوئے۔

بیوپاری عبدالمنان کے مطابق بکرے حیدر آباد سے گلستانِ جوہر منتقل کیے جا رہے تھے۔

پولیس کے مطابق متاثرہ بیوپاری سے درخواست لے کر تحقیقات کا آغاز کر دیا ہے، ملزمان کی تلاش جاری ہے۔