پنجاب کے شہر بہاولنگر میں ہارون آباد روڈ پر تیز رفتار کار بے قابو ہو کر ٹریکٹر ٹرالی کے نیچے جا گھسی، حادثے میں بچے سمیت 3 افراد جاں بحق جبکہ 2 خواتین زخمی ہوگئیں۔

افسوسناک حادثہ بہاولنگر میں ہارون آباد روڈ پر چک ڈھاباں کے قریب پیش آیا جہاں ایک کار تیز رفتاری کے باعث بے قابو ہو کر آگے چلتی ہوئی ٹریکٹر ٹرالی کے نیچے گھس گئی جس کے نتیجے میں کار میں سوار 5 سالہ بچے سمیت 3 افراد موقع پر ہی جاں بحق ہو گئے جبکہ 2 خواتین زخمی ہو گئیں۔

مٹیاری : قومی شاہراہ پر مسافر کوچ اور ٹریلر میں تصادم، 5 جاں بحق، 15 زخمی

اٹک میں تیز رفتار ٹریکٹر ٹرالی کی موٹرسائیکل کو ٹکر سے 4 افراد جاں بحق

ریسکیو ٹیم نے زخمیوں اور ڈیڈ باڈیز کو ڈی ایچ کیو اسپتال بہاولنگر منتقل کر دیا۔

مرنے والوں میں 2 سگے بھائی محمد ارشد اور محمد اختر کے علاوہ 5 سالہ احد ولد منیر احمد شامل ہے جبکہ زخمیوں میں زاہدہ زوجہ اشرف اور رمضانہ زوجہ اشتیاق شامل ہیں۔

پولیس کے مطابق کار سوار فیملی ساہیوال کی رہائشی تھی جو ہارون آباد جا رہی تھی۔