کراچی سے کوئٹہ جانے والی مسافر بس میں اوتھل کے قریب آگ لگنے سے 3 مسافر جاں بحق ہوگئے۔

تفصیلات کے مطابق ریسکیو حکام کے مطابق اوتھل میں وایارو کے مقام پر مسافر بس میں آگ بھڑک اٹھی، واقعے میں 7 مسافر زخمی بھی ہوئے ہیں جنہیں ڈسٹرکٹ ہیڈ کوارٹر اسپتال اوتھل منتقل کردیا گیا۔

ریسکیو عملے کے مطابق کوچ میں لگی آگ پر قابو پالیا گیا ہے اور کراچی کوئٹہ قومی شاہراہ جزوی طور پر معطل رہنے کے بعد کھول دی گئی ہے۔