او جی ڈی سی ایل نے تیل وگیس کی مقامی پیداوار بڑھانے کا اعلان کردیا۔ ترجمان کے مطابق ضلع کوہاٹ میں واقع چندا کنواں نمبر 7 سے پیداوار شروع کرنے کا اعلان کر دیا۔

ترجمان او جی ڈی سی ایل نے بتایا کہ نئے کنویں سے 305 بیرل یومیہ 2.5 ملین کیوبک فٹ یومیہ گیس کی پیداوار حاصل کی جا رہی ہے، جس سے تیل وگیس کی اس پیداوار سے ملکی امپورٹ بل میں 22.57 ملین ڈالر سالانہ کی بچت ہو گی۔

ترجمان کے مطابق گیس کی پیداوارکو سوئی ناردرن نیٹ ورک میں شامل کر دیا گیا ہے۔

دوسری جانب او جی ڈی سی ایل نے ضلع حیدر آباد میں واقع کنر کنواں نمبر 8 کی کامیاب بحالی کا اعلان کردیا ہے مذکورہ کنویں سے 540 بیرل یومیہ خام تیل کی پیداوارشروع ہو گئی ہے۔

ترجمان او جی ڈی سی ایل کے مطابق کنر کنواں نمبر 8 کی اضافی پیداوار سے 15.949 ملین امریکی ڈالر کی سالانہ بچت ہو گی۔