پنجاب بھر میں چوبیس گھنٹوں کے دوران 1229 ٹریفک حادثات میں 8 افراد جاں بحق اور 1284 زخمی ہوگئے۔

مختلف شہروں میں ہونے والے حادثات کے زخمیوں کو ضلعی و تحصیل کے اسپتالوں میں منتقل کیا گیا۔

پنجاب بھر میں ہونے والے ان حادثات میں زیادہ تعداد (75فیصد) موٹر سائیکلز حادثات کی ہیں۔

حادثات میں 48 کم عمر ڈرائیورز، 431 مسافر اور 135پیدل چلنے والے افراد متاثر ہوئے۔

لاہور267 متاثرین کے ساتھ پہلے، فیصل آباد 88 حادثات میں 89 متاثرین کے ساتھ دوسرے جب کہ ملتان 80 حادثات میں 79 متاثرین کے ساتھ تیسرے نمبر پر رہا۔