نوشہرہ کے اسپتال میں انسانیت دم توڑگئی ۔ تحصیل اسپتال پبی میں ڈاکٹرز نے لاوارث مریض کو علاج کے بجائے باہر لٹا دیا۔ مریض تین گھنٹے تک تڑپ تڑپ کر دم توڑگیا۔ ورثا کا پتہ نہ چلنے پرتدفین بھی کردی گئی۔

اسپتال میں نشے کا عادی لاوارث مریض تشویشناک حالت میں لایا گیا۔ مسیحاؤں نے بظاہر مسیحائی کے بجائے نفرت کامظاہرہ کرتے ہوئے مریض کو ایمرجنسی وارڈ سے وہیل چیئر پر ڈالا اور باہر احاطے میں ہی چھوڑ دیا۔

واقعہ کی سی سی ٹی وی فوٹیج ”آج نیوز“ نے حاصل کرلی، مریض تین گھنٹے تڑپتا رہا ، کسی نے اس کی پکار نہ سنی اور آخر کار تڑپ تڑپ کر جان د ے دی۔ جس کے بعد مرنے والے کو لاوارث قرار دے کر سپرد خاک کردیا گیا۔

اس حوالے سے اسپتال انتظامیہ کا مؤقف ہے کہ مریض کو ہم نے پشاور ریفر کرنے کے لئے ریسکیو 1122ایمبولینس کے حوالے کیا تھا۔

یہ بھی پڑھیں :

فیصل آباد:چلڈرن اسپتال میں ڈاکٹرز کی مُبینہ غفلت سے بچہ جاں بحق، لواحقین کی خسرہ وارڈ میں توڑ پھوڑ

بچی سے نازیبا حرکات کے شبہے پر نوجوان قتل

اسپتال انتظامیہ کا مزید کہنا ہے کہ واقعے کی انکوائری ہو گی اور ذمہ داروں کے خلاف کارروائی بھی ہو گی۔