پاکستان سے جدہ کے لیے حج فلائٹ آپریشن کا آغاز شروع ہو گیا ہے۔ کراچی ،اسلام آباد سے دو پروازوں کے ذریعے 724 پاکستانی عازمین جدہ پہنچ گئے۔

جدہ ایئرپورٹ پر پاکستان حج مشن کے سربراہ ڈائرکٹر حج آپریشن عبدالوہاب سومرو، قونصل جنرل خالد مجید، وزارت مذہبی امور اور سعودی حکام کی جانب سے پرتپاک استقبال کیا گیا۔

پاکستان کے قبل از حج فلائٹ آپریشن کے پہلے مرحلے میں تئیس مئی تک کل 34 ہزار 3 سو 16 پاکستانی مدینہ منورہ پہنچے۔ 24 مئی سے 2 جون تک 1 سو 14 پروازیں مزید 34 ہزار 4 سو 22 پاکستانی عازمین کو جدہ لے جائیں گی۔

7 سو 20 پاکستانی عازمین مکہ روٹ اقدام کے تحت اسلام آباد اور کراچی سے روانہ ہوئے اور سعودیہ ایئر لائن کی پروازوں کے ذریعے پہنچے جو کنگ عبدالعزیز انٹرنیشنل ایئرپورٹ پر اتری پہلی پرواز میں 3 سو سر مسافر سوار تھے۔

مکہ روٹ پروگرام کے تحت تحت مسافر امیگریشن کاؤنٹرز پر لمبی قطاروں سے گریز کرتے ہوئے مختصر وقت میں جدید بسوں کے ذریعے اپنے ہوٹلوں کے لیے روانہ ہوئے اور ان کا سامان پورٹرز کمپنی کے ذریعے ان کی رہائش گاہوں پر منتقل کر دیا گیا۔