پنجاب پولیس ان دنوں سوشل میڈیا پر کئی حوالوں سے توجہ حاصل کیے ہوئے ہے، تاہم اس بار پنجاب پولیس تنقید کی زد میں دکھائی دے رہی ہے۔

حال ہی میں پنجاب پولیس کے اہلکار کی شہری پر تشدد کی ویڈیو نے سوشل میڈیا صارفین کی توجہ حاصل کی ہے۔

ذرائع کے مطابق لاہور کے گریٹر پارک میں پولیس اہلکار کی جانب سے شہری پر تشدد کیا گیا ہے۔ پولیس تشدد کی ویڈیو آج نیوز کوموصول ہوگئی ہے۔

موصول ہونے والی فوٹیج میں اہلکار کو شہری پرتشدد کرتے دیکھاجاسکتاہے۔ جبکہ تشدد کا شکار شخص کی شناخت جھولے والے کے طور پر ہوئی ہے۔

دوسری جانب ویڈیو وائرل ہونے کے بعد اعلی افسران کا نوٹس لے لیا ہے۔

اعلیٰ افسران کی جانب سے واقعے کی رپورٹ طلب کرلی ہے، جبکہ تشدد کرنے والے کانسٹیبل کو معطل بھی کر دیا ہے۔