وزیراعظم شہباز شریف نےالیکٹرانک کرائم کی روک تھام سے متعلق ایکٹ میں ترمیم کے لیے کمیٹی کی منظوری دے دی۔

الیکٹرانک کرائم کی روک تھام سے متعلق کمیٹی ایکٹ میں ترمیم کے لیے سیاسی اتفاق رائے سے تجاویز تیار کرکے 15روز میں اپنی تجاویز وزیراعظم کو پیش کرے گی۔

وزیراعظم آفس کی جانب سے کمیٹی کے قیام کا باقاعدہ نوٹیفکیشن جاری کر دیا گیا، 9 رکنی کمیٹی رانا ثناء اللہ کی سربراہی میں تجاویز تیار کرے گی۔

کمیٹی میں وفاقی وزرا اعظم نذیر تارڑ، عطا تارڑ، خالد مقبول صدیقی،وزیر مملکت شزہ فاطمہ، رکن اسمبلی نوابزادہ خالد مکسی ، سینٹر شیری رحمان ،اٹارنی جنرل منصورعثمان اعوان شامل ہیں،جبکہ 9 ممبر کا انتخاب کمیٹی ممبران کی مشاورت سے عمل میں لایا جائے گا۔