کراچی میں گرمی سے بے حال طالب علموں پر سندھ حکومت کو رحم آگیا، ہیٹ ویوز کے پیش نظر سندھ بھر میں انٹر میڈیٹ کے امتحانات ملتوی کردیے گئے۔

وزیراعلیٰ سندھ مراد علی شاہ نے وزیر یونیورسٹیز اینڈ بورڈ محمد علی ملکانی کی سفارش پر انٹرمیڈیٹ کے امتحانات ملتوی کرنے کی منظوری دے دی۔

وزیراعلیٰ سندھ کی ہدایت پر یونیورسٹیز اینڈ بورڈ نے امتحانات کی تاریخ تبدیل کرنے کا نوٹیفکیشن جاری کردیا۔

کراچی میں انٹرمیڈیٹ امتحانات کا شیڈول تبدیل کرنے کی تجویز

ترجمان وزیراعلیٰ سندھ کے مطابق انٹر کے امتحانات 22 مئی کے بجائے اب 27 مئی سے شروع ہوں گے۔

خیال رہے کہ پنجاب اور سندھ کے میدانی علاقے شدید گرمی کی لپیٹ میں ہیں اور محکمہ موسمیات کی جانب سے ہیٹ ویو الرٹ بھی جاری کیا گیا ہے۔

محکمہ موسمیات نے پیشگوئی کی ہے کہ شہر قائد میں درجہ حرارت سے کہیں زیادہ گرمی محسوس کی جائے گی۔

اسلام آباد : موسم گرما کی تعطیلات سے قبل اسکولوں کے اوقات تبدیل

محکمہ موسمیات کے مطابق شہر قائد کی ہوا میں نمی کا تناسب 68 فیصد ہے اور جنوب مغربی سمت سے 19 کلومیٹر فی گھنٹہ کی رفتار سے ہوائیں چل رہیں ہیں۔