لاہور میں ورچوئل ویمین پولیس اسٹیشن نے بروقت کارروائی کرکے لیڈی ڈاکٹر کو ہراساں کرنے والے کو گرفتار کرلیا۔

ورچوئل ویمین پولیس اسٹیشن کو خاتون کو ہراساں کرنے کے حوالے سے کال موصول ہوئی تھی۔ پولیس کو بروقت بھیجنے کے نتیجے میں ملزم دھرلیا گیا۔

ذرائع سے معلوم ہوا ہے کہ لیڈی ڈاکٹر تھانے اور عدالت کے چکر کاٹنے سے بچنا چاہتی تھی اس لیے ہراساں کرنے والے کے بارے میں پولیس کو کچھ بتانے سےگریزاں تھی۔

ورچوئل ویمین پولیس اسٹیشن نے اسپتال میں کارروائی کرتے ہوئے ملزم کو گرفتار کرلیا۔ پولیس پارٹی نے لیڈی ڈاکٹر سے شکایت وصول کرکے اُس کے بنیاد پر ملزم کو گرفتار کیا۔