لاہورمیں نامعلوم مسلح افراد نے مبینہ طور پر زمین کے تنازع پر ماں بیٹے کو قتل کردیا جبکہ شاہدرہ میں پولیس مقبالے کے بعد دو ڈاکؤں کو زخمی حالت میں گرفتار کرلیا گیا۔

تفصیلات کے مطابق جنوبی چھاؤنی کے علاقے میں دو موٹرسائیکل سواروں نے ماں بیٹے کو فائرنگ کرے قتل کیا جن کی شناخت 16سالہ عبدالرحمن اور 33 سالہ عائشہ کے ناموں سے ہوئی ہے۔

مزیدپڑھیں: لاہور میں پولیس مقابلہ، ایک اہلکار شہید، ایک ملزم ہلاک

پولیس نے لاشوں کو مردہ خانےمنتقل کردیا ہے ہے جبکہ پولیس کا کہنا ہے کہ مقتولہ عائشہ نے دو شادیاں کر رکھی تھیں اور مقتولہ کا اپنے دیوراور جیٹھ سےجائیداد کا تنازع چل رہا تھا۔

دوسری جانب لاہور کے علاقے شاہدرہ میں پولیس مقابلے کے بعد 2 ڈاکوؤں کو زخمی حالت میں گرفتار کرلیا گیا ہے۔

پولیس کے مطابق پٹھہ منڈی کے قریب مشتبہ افراد کو رکنے کا اشارہ کیا لیکن انہوں نے پولیس پر فائرنگ کردی اور پولیس کی جوابی فائرنگ سے 2 ڈاکو زخمی ہوگئے۔