خیبرپختونخوا حکومت نے سوشل میڈیا انفلوئنسرز پروجیکٹ کا دوبارہ جائزہ لینے کا فیصلہ کرلیا جبکہ گذشتہ پی ٹی آئی حکومت میں بھرتی سوشل میڈیا انفلوئنسرز کو بقایات کی ادائیگی کا بھی فیصلہ کیا گیا ہے۔

وزیراعلیٰ خیبرپختونخوا کے مشیر اطلاعات و تعلقات عامہ بیرسٹر محمد علی سیف کا کہنا ہے کہ سوشل میڈیا انفلوئنسرز پروجیکٹ کا ازسرنو جائزہ لے رہے ہیں، سوشل میڈیا انفلوئنسرز کو بقایاجات اور سرٹیفکیٹ بھی دیں گے۔

انہوں نے کہا کہ تربیت یافتہ سوشل میڈیا انفلوئنسرز کو دیگرشعبوں میں ایڈجسٹ کریں گے، حکومت اور عوام کے درمیان رابطے فعال رکھنے کے لیے سوشل میڈیا انفلوئنسرز کو بھرتی کیا گیا تاہم نگراں حکومت نے غیرقانونی طریقے سےمنصوبے کو ختم کیا تھا۔

پی ٹی آئی دور کے سوشل میڈیا انفلوئنسرزکیخلاف تحقیقات کا فیصلہ

بیرسٹر سیف کا مزید کہنا تھا کہ منصوبے کو پی ٹی آئی کے خلاف استعمال کیا گیا اور تاثردیا گیا کہ پی ٹی آئی نے پارٹی تشہیر کے لیے سوشل میڈیا انفلوئنسرز کو بھرتی کرویا جبکہ پی ٹی آئی حکومت نے ترقیاتی منصوبوں کی تشہیر کے لیے 1100 سوشل میڈیا انفلوئنسرز بھرتی کیے تھے۔

نیب نے سوشل میڈیا انفلوئنسرز بھرتی منصوبے کی تحقیقات کا آغاز کردیا

انہوں نے یہ بھی کہا کہ نگراں حکومت نے سوشل میڈیا انفلوئنسرز پر مخصوص سیاسی جماعت کی تشہیر کا الزام عائد کیا تھا اور تمام سوشل میڈیا انفلوئنسرز کو فارغ کیا تھا۔

خیبرپختون خوا کے سرکاری ملازمین کو سوشل میڈیا سے دور رہنے کی ہدایت

مشیر اطلاعات کے مطابق گزشتہ پی ٹی آئی حکومت میں بھرتی سوشل میڈیا انفلوئنسرز کو بقایاجات کی ادائیگی کا بھی فیصلہ کیا گیا تھا۔