قومی کرکٹ ٹیم کے لیے کاکول فٹنس کیمپ 8 کے بجائے 7 اپریل کو ختم کرنے کا فیصلہ کرلیا گیا جبکہ کھلاڑی 7 اپریل کو جی ایچ کیو راولپنڈی میں افطار پارٹی میں شرکت کریں گے۔

ذرائع کے مطابق کاکول فٹنس کیمپ میں قومی کرکٹرز کی مشقیں جاری ہیں۔ تاہم کیمپ ایک روز پہلے ختم کردیا جائے گا۔

کھلاڑی 7 اپریل کو آرمی چیف کی جانب سے جی ایچ کیو راولپنڈی میں دیے گئے افطار ڈنر کے بعد گھروں کو روانہ ہوجائیں گے۔

عید الفطر کی چھٹیوں کے بعد قومی اسکواڈ راولپنڈی میں رپورٹ کر ے گا، 5 ٹی 20 میچوں کی سیریز کا آغاز 18اپریل کو پنڈی اسٹیڈیم میں ہوگا۔