لاہور ہائیکورٹ میں نعت کو گانوں کی طرز پر پڑھنے کے خلاف درخواست دائر کر دی گئی ہے۔

لاہور ہائیکورٹ میں دائر درخواست میں استدعا کی گئی کہ عدالت ایف آئی اے کو گانوں کی طرز پر نعتیں فوری طور پر بند کرنے کا حکم دے۔

درخواست گزار اعظم بٹ نے ایڈوکیٹ رانا سکندر کی وساطت سے لاہور ہائیکورٹ میں درخواست دائر کی۔

درخواست میں موقف اختیار کیا گیا کہ رمضان المبارک میں مختلف افراد نعتیں پڑھتے ہیں۔

ایک بڑی تعداد نعت کو گانوں کی طرز پر پڑھتی ہے۔ گانوں کی طرز پر پڑھی جانے والی نعتیں سوشل میڈیا پر اپلوڈ کی جاتی ہیں۔

نعتوں کو گانوں کی طرز پر پڑھنے سے عام مسلمان کے جذبات مجروح ہوتے ہیں۔ ڈی جی ایف آئی اے کو ایسی نعتیں بند کرنے کے لیے درخواست دے رکھی ہے۔

ایف آئی اے نے ابھی تک اس پر کوئی کاروائی نہیں کی۔

درخواست میں استدعا کی ہے کہ عدالت ایف آئی اے کو گانوں کی طرز پر نعتیں فوری طور پر بند کرنے کا حکم دے۔

گانوں کی طرز پر نعتیں پڑھنے والوں کے خلاف قانون کے مطابق کاروائی کی جائے۔