استنبول سے اسلام آباد آنے والی قومی ائیرلائن پی آئی اے کی پرواز میں اچانک فنی خرابی پیدا ہوگئی، جس کے بعد طیارہ استنبول میں گراؤنڈ کردیا گیا۔

ترجمان پی آئی اے کے مطابق پرواز پی کے 704 ٹیکسی وے پر پہنچی ہی تھی کہ لینڈنگ گیئر میں خرابی پیدا ہوگئی، کپتان نے ایمرجنسی بریک لگائے اور طیارے کو واپس بورڈنگ برج پر لے آیا۔

ترجمان کے مطابق مسافروں کو آف لوڈ کرکے لاؤنج منتقل کیا گیا، طیارہ استنبول ایئرپورٹ پر گراونڈ ہے۔

ترجمان پی آئی اے نے بتایا کہ انجینئرز کی ٹیم پرزہ جات لے کر استنبول روانہ ہوگئی ہے، جبکہ مسافروں کو ترکش ایئر لائن کی پرواز کے ذریعے اسلام آباد روانہ کیا گیا ہ۔

بعض رہ جانے والے مسافروں کو بھی اسلام آباد پہنچانے کیلئے انتظامات کئے جارہے ہیں۔