مسلم لیگ ن کی ترجمان عظمیٰ بخاری کا کہنا ہے کہ بزدار حکومت کے پاس کٹے مرغی انڈوں لنگر خانوں کے علاوہ کچھ نہیں تھا۔ آپ تعصب کو دماغ سے نکالیں۔ مریم نے بطوروزیر اعلیٰ کسی قسم کی کوئی مراعات سرکاری گاڑی ،سرکاری گھر اور نہ ہی تنخواہ نہ لینے کا فیصلہ کیا ہے، مریم نواز کی کارکردگی پر یہ بات نہیں کرسکتے ۔ تحریک فساد والوں کی اپنی کوئی پوزیشن نہیں۔

پنجاب اسمبلی میں میڈیا سے گفتگو کرتے ہوئے عظمیٰ بخاری کا کہنا تھا کہ رانا آفتاب نے وزیراعلیٰ کے الیکشن کومتنازع بنانے کی کوشش کی۔ تحریک فساد والوں کی بدتمیزی کی ٹریننگ ہوئی ۔تمیز سکھانے کی کوشش کررہی ہوں۔

مریم نواز کو سابق وزیراعلیٰ پنجاب عثمان بزدار سے تشبییہ دینے والوں کے لکیے لیگی رہنما نے کہ بزدار حکومت کے پاس کٹے مرغی انڈوں لنگر خانوں کے علاوہ کچھ نہیں تھا۔راجہ بشارت صاحب آپ جو کام نہ کر سکے مریم نواز آتے ہی ائیر ایمبولینس لا رہی ہے تاکہ عوام کی خدمت ہو۔۔

ترجمان ن لیگ نے کہا کہ فتنہ فساد پارٹی اس وقت آخری دم تک جا ئے گی جب مریم نواز کی حکومت کامیاب ہوگی۔

انہوں نے مزید کہا کہ رمضان پیکج میں کسی کو لائن میں نہیں لگنا پڑے گا ، عزت نفس سے ضرورت کی چیزیں دہلیز پر دیں گے۔ 70 لاکھ سے زائد خاندان رمضان پیکج سے مستفید ہوں گے۔