پیپلز پارٹی کے رہنما فیصل کریم کنڈی نے کہا ہے کہ عدم اعتماد کے بعد سب سے زیادہ فائدہ فضل الرحمان کو ملا، فضل الرحمان کہہ دیتے اور عدم اعتماد میں ساتھ نہ دیتے۔

مولانا فضل الرحمان کے تہلکہ خیز بیان کے جواب میں پریس کانفرنس کرتے ہوئے پیپلز پارٹی کے ترجمان فیصل کریم کنڈی نے کہاکہ مولانا بتائیں ہمیں کس کے کہنے پر پی ڈی ایم سے نکالا گیا؟ مولانا سیاست میں چلے ہوئے کارتوس ہیں، وہ سیاست میں آ نہیں رہے سیاست سے جارہے ہیں۔

فیصل کریم کنڈی نے جمیعت علمائے اسلام اور پاکستان تحریک انصاف کے ملاپ کو سیاسی تبدیلی قرار دہیتے ہوئے کہا کہ سارے مزے لوٹنے کے بعد اب یاد آیا کہ انتخابات میں دھاندلی ہوئی۔

نیوز کانفرنس کرنے والے پی پی رہنما نے کہا کہ کل اسلام آباد میں بڑی تبدیلی دیکھنے کوملی، جے یو آئی اور پی ٹی آئی کا ملاپ ہواجوبڑی سیاسی تبدیلی ہے۔

انہوں نے کہا کہ جے یوآئی اور پی ٹی آئی کاسیاسی اتحاد اچھی بات ہے، المیہ یہ ہےپی پی یان لیگ ایسا کرتی تو ٹی وی پرماضی کےبیانات چلتے ہیں۔

پی پی رہنما نے کہا کہ فضل الرحمان اپنے حلقےسے ہارے ہیں اور بقول ان کے اُن کا مینیڈیٹ چوری کیا گیا ہے۔

انہوں نے کہا کہ کل مولانا نے جنرل فیض حمید اور باقی لوگوں کی بات کی لیکن عمران خان کیخلاف تحریک عدم اعتماد کے وقت فیض حمید پشاورمیں سرکاری عہدے پر تھے، ان کا کوئی تعلق نہیں تھا۔