پیپلزپارٹی کے رہنما اور سابق صوبائی وزیر شرجیل انعام میمن نے کہا ہے کہ نوازشریف کی ہمیشہ بدلے اور نفرت کی پالیسی رہی جب کہ سابق چیئرمین پی ٹی آئی نے ملک کو بدترین معاشی بحران میں ڈالا۔

شرجیل میمن نے پریس کانفرنس کرتے ہوئے کہا کہ بلاول بھٹو زرداری کا تاریخی استقبال ہوگا، اس بار بھی حیدرآباد سے زیادہ سیٹیں جیتیں گے۔

انھوں نے کہا کہ لوگ نفرت کی سیاست دفن کرچکے ہیں، لوگ بےنظیر بھٹو کے ویژن کو چننا چاہتے ہیں، سندھ سے پیپلزپارٹی کلین سوئپ کرے گی۔

ان کا کہنا تھا کہ پنجاب اور خیبرپختونخوا سے بھی پیپلزپارٹی کو بڑا مارجن ملے گا۔

رہنما پیپلزپارٹی نے کہا کہ ”چنو نئی سوچ کو“ یہ بلاول بھٹو زرداری کا ویژن ہے، وہ لوگ جو خواب دیکھ رہے ہیں،ان کو جیتنے نہیں دیں گے۔