پاکستان تحریک انصاف (پی ٹی آئی) کے رہنماء تیمور سلیم جھگڑا کے خلاف بینر آویزاں کردیے گئے، نیب زدہ اور کرپٹ تیمور جھگڑا نا منظور کے نعرے بینرز پر درج ہیں۔

سابق وزیر صحت خیبرپختونخوا تیمور سلیم جھگڑا کے خلاف بینر آویزاں کردیے گئے، ان کے خلاف حلقہ پی کے 79 میں بینرز لگائے گئے جبکہ بینرز پر نیب زدہ اور کرپٹ تیمور جھگڑا نہ منظور کے نعرے درج ہیں۔

تیمور سلیم جھگڑا کا کہنا ہے کہ ہمارے اپنے پوسٹر ہٹائے جارہے ہیں، ایسے پوسٹرز سے پریشان نہیں، ایسے پوسٹرز کو اپنی تشہیر سجھتا ہوں۔

سابق صوبائی وزیر کا کہنا تھا کہ میں کوئی کرپشن نہیں کی، نیب میں اس لیے پیش ہوا کہ میرے پاس کچھ چھپانے کا نہیں، مشکل وقت میں بانی چئیرمین عمران خان کے ساتھ کھڑا ہوں۔

یاد رہے کہ تیمور سلیم جھگڑا صوبائی اسمبلی کے حلقہ پی کے 79 پر پی ٹی آئی کے نامزد آزاد امیدوار ہیں۔