پی ٹی آئی کے امیدوار ریحان زیب کے قتل کے بعد باجوڑ اسکاؤٹس بلڈنگ سول لائن پر پتھراؤ میں ملوث مظاہرین کے خلاف ایف آئی آر درج کرلی گئی، باجوڑ میں آزاد امیدوار قتل واقعے کے بعد مشتعل مظاہرین نے اسکاوٹس عمارت پر پھتراو کیا اور گیٹ پر پھتر برسائے۔

تھانہ خار ایس ایچ او عبدالصمد خان کی مدعیت میں باجوڑ اسکاؤٹس بلڈنگ سول لائن پر پتھراؤ میں ملوث 25 سے زائد مظاہرین کے خلاف ایف آئی آر درج کر لی گئی۔

ضلع باجوڑ تحصیل خار میں گزشتہ روز آزاد امیدوار ریحان زیب کے قتل کے بعد علاقے کے عوام نے احتجاج کیا، مخصوص سیاسی جماعت کے شرپسندوں نے قتل کو مذموم سیاسی مقاصد کے حصول کے لیے استعمال کرتے ہُوئے مقامی عوام کو جمع کر کے مشتعل کیا۔

مشتعل افراد نے باجوڑ اسکاؤٹس بلڈنگ سول لائن پر پتھراؤ کیا اور سول کالونی صدر دروازہ توڑنے کی کوشش کی۔

اس موقع پر مشتعل افراد نے ریاست مخالف نعرے بھی لگائے، مظاہرین کے خلاف آج تھانہ خار ضلع باجوڑ میں ایف آئی آر درج کر لی گئی۔

مزید پڑھیں

مقتول آزاد امیدوار ریحان زیب کے چچا کا الزامات پر وضاحتی بیان جاری

باجوڑ میں قتل امیدوار پی ٹی آئی حمایت یافتہ نہیں تھا