سابق گورنر پنجاب چوہدری سرور نے قومی اسمبلی کے حلقہ این اے 127 میں پاکستان پیپلز پارٹی کے چیئرمین بلاول بھٹو زرداری کی حمایت کا اعلان کردیا۔

سابق گورنر پنجاب چوہدری سرور سے این اے 127 کمپین انچارج اور ترجمان بلاول بھٹو ذوالفقار علی بدرنے ملاقات کی۔

چوہدری سرور نے این اے 127 میں بلاول بھٹو زرداری کی حمایت کا اعلان کردیا، چوہدری سرور این اے 127 میں خود بلاول بھٹو کی الیکشن کمپین کریں گے۔

ملاقات میں میاں مصباح الرحمان، عائشہ نواز چوہدری اور دیگر بھی شریک ہوئے۔

آصف زرداری سے چوہدری سرور کی ملاقات

اس سے قبل پاکستان پیپلز پارٹی پارلینیٹرینز کے صدر آصف علی زرداری سے سابق گورنر پنجاب چوہدری محمد سرور نے بلاول ہاؤس لاہور میں ملاقات کی۔

ملاقات میں سابق صدر آصف علی زرداری اور چوہدری محمد سرور کے درمیان ملک کی سیاسی صورتحال پر گفتگو ہوئی۔

سابق صدر نے لاہور کے این اے 127 پر چوہدری محمد سرور کی جانب سے بلاول بھٹو زرداری کی حمایت کرنے پر ان کا شکریہ ادا کیا۔

آصف علی زرداری اور چوہدری محمد سرور نے پنجاب میں سیاسی حکمت عملی پر بھی تبادلہ خیال کیا۔

مزید پڑھیں

سابق گورنر پنجاب چوہدری سرور کا ق لیگ میں شمولیت کا فیصلہ

ریحام خان نے آصف زرداری کی تعریفوں کے پُل باندھ دیے

ایک شخص کو چوتھی بار مسلط کیا گیا تو عوام نقصان اٹھائیں گے، بلاول بھٹو

سابق صدر آصف زرداری اور چوہدری محمد سرور نے شفاف انتخابات کروانے پر بھی زور دیا۔